ວຽກບ້ານ2 ຫົວຂໍ້: ການປູກຜັກປອດສານພິດ( ຜັກສະຫຼັດ)

ຫົວຂໍ້: ການປູກພືດປອດສານພິດ(ປູກຜັກສະລັດ) ບ້ານດົງໂດກ ເມືອງໄຊທານີ ນະຄອນຫຼວງວຽງຈັນ

ການຂຽນແຜນທັດສະນະສຶກສາ

  I.    ຂັ້ນຕອນກະກຽມ ແລະ ວາງແຜນ, ກຳນົດຈຸດປະສົງໃຫ້ສອດຄ່ອງ

1.  ຈຸດປະສົງ

     - ເພື່ອສຶກສາວິທີການ ແລະ ການຈະເລີນເຕີບໂຕຂອງການປູກພືດ (ປູກຜັກສະລັດ) ແລະ ລົງ  ສົ່ງເສີມເຕັກນິກວິທິການຜະລິດ.

    - ເພື່ອສຶກສາຜົນກະທົບທີມາທຳລາຍຜັກສະລັດ ແລະ ໃຫ້ຄຳແນະນຳເຖິງວິທີການແກ້ໄຂ.

    - ເພື່ອສຶກສາການສົ່ງສິນຄ້າອອກສູ່ຕະຫຼາດ.

2.  ການກະກຽມຂໍ້ມູນເບື້ອງຕົ້ນຂອງສະຖານທີ

ແບບຟອມສອບຖາມ

1.   ການປູກພືດປອດສານພິດຂອງຄອບຄົວທ່ານມີຈັກໄລຍະ/ປີ?

2.   ການກະກຽມດິນ, ກະກຽມພື້ນທີ, ການກະກຽມພັນພືດທ່ານມີວິທີການແນວໃດ?

3.   ໜານທີ່ທ່ານຂຸດມີຂະໜາດກວ້າງ ແລະ ຍາວເທົ່າໃດ?

4.   ການຈະເລີນເຕີບໂຕຂອງພືດປອດສານພິດ ແຕ່ລະໄລຍະເປັນແນວໃດ?

5.   ການປູກຜັກສະລັດໄດ້ສ້າງລາຍຮັບໃຫ້ແກ່ຄອບຄົວເດືອນໜຶ່ງປະມານເທົ່າໃດ?

6.   ມີສັດຕູພືດ ແລະ ສັດຊະນິດໃດທີ່ເຂົ້າມາທຳລາຍພືດຂອງທ່ານ? ສັດ ຫຼື ພະຍາດມັກເຂົ້າມາທຳລາຍຜັກໃນຊ່ວງເດືອນໃດຫຼາຍທີສຸດ?

7.   ທ່ານມີວິທີການສົ່ງຜັກອອກຈຳໜ່າຍ ຫຼື ສົ່ງສິນຄ້າອອກຕະຫຼາດແນວໃດ?

8.   ທ່ານມີວິທີແກ້ໄຂ ແລະ ບົວລະບັດຮັກສາພືດແນວໃດແດ່?

ໃນນາມເປັນນັກສົ່ງເສີມຈະມີຄູ່ມືການສົ່ງເສີມກະສິກຳ

1.   ຄູ່ມືການໃຫ້ຄຳແນະນຳທາງດ້ານການປູກພືດ

2.   ຄູ່ມືການແກ້ໄຂສັດຕູພືດ

ນອກຈາກນີ້ໃນນາມວິຊາການ ຈະໃຫ້ຄຳແນະນຳ ແລະ ອະທິບາຍວິທີປູກວ່າເຮັດແນວໃດ?

3.ດຳເນີນການວາງແຜນ

·         ແຜນຜູ້ເຂົ້າຮ່ວມ

ໃນການໄປທັດສະນະສຶກສາຄັ້ງນີ້ແມ່ນມີນັກສຶກສາ 15 ຄົນໂດຍຈະມີການຄັດເອົາຈຳນວນນັກສຶກສາພາຍໃນຫ້ອງ ແລະ ມີ ນາຍບ້ານ 1 ທ່ານ, ອຳນາດການປົກຄອງບ້ານ 2 ທ່ານ, ເຈົ້າຂອງສວນ 1 ທ່ານ ລວມທັງໜົດມີ 19 ທ່ານ.

·         ແຜນອຸປະກອນ

ອຸປະກອນທີໄປທັດສະນະສຶກສາປະກອບມີ: ແບບຟ້ອມສຳພາດ, ປຶ້ມບັນທຶກ, ເຈ້ຍ, ກ໋ອງຖ່າຍຮູບ ແລະ ອຸປະກອນທີສຳຄັນອື່ນໆ.

·         ແຜນງົບປະມານ

ລ/ດ	ລາຍການ	ຈຳນວນ	ລາຄາ	ລວມ
1	ຄ່າເດີນທາງໄປ ແລະ ກັບ	15 ຄົນ	20.000	300.000
2	ອັດຕາກິນພາກສະໜາມ 1 ມື້	15 ຄົນ	30.000	450.000
3	ບິກ	2 ກັບ	15.000	30.000
4	ເຈ້ຍ	1 ຕັບ	40.0000	40.000
5	ປຶ້ມບັນທຶກ	1 ຫົວ	10.000	10.000
6	ເງິນແຮສຸກເສີນ	15 ຄົນ	50.000	750.000
7	ຄ່າລົດໄປທັດສະນະ	1 ຄັນ	100.000	100.000
ລວມ				1.680.000

·         ແຜນການເດີນທາງ

ການເດີນທາງແມ່ນເລີ່ມໄປ 7:30-8:00 ໃຊ້ເວລາລົງຢ້ຽມຢາມຈໍານວນ 1 ມື້.

ເວລາ	ລາຍການ	ຜູ້ຮັບຜິດຊອບ
7:30-8:00	ເລີ່ມອອກຈາກຄະນະວິທະຍາສາດປ່າໄມ້ໄປຫາສວນປູກພືດປອດສານພິດ	ລົດນຳພາໄປ
8:00-9:00	ສອບຖາມຂໍ້ມູນພາຍໃນບ້ານທີປູກຜັກປອດສານຜິດມີຈັກຄອບຄົວ?.....	ນາຍບ້ານ
9:00-11:00	ເລີ່ມສອບຖາມການກະກຽມດິນ, ພື້ນທີ, ພັນພືດ, ການລົງປູກ	ເຈົ້າຂອງສວນ
11:00-12:00	ພັກກິນເຂົ້າທ່ຽງ	ເຈົ້າຂອງສວນ
13:00-14:00	ການຈະເລີນເຕີບໂຕຂອງພືດໃນແຕ່ລະໄລຍະ	ເຈົ້າຂອງສວນ
14:00-16:00	ລົງກວດກາພະຍາດທີເຂົ້າມາທຳລາຍຜັກ	ເຈົ້າຂອງສວນ
16:00-16:30	ເດີນທາງກັບຄະນະວິທະຍາສາດປ່າໄມ້	ລົດນຳພາກັບ

·         ການແບ່ງໜ້າວຽກ

ພາຍໃນກຸ່ມມີຈຳນວນ 15 ຄົນດັ່ງນີ້: 5 ຄົນເປັນຄົນສອບຖາມ, 5 ຄົນເປັນຄົນບັນທຶກ, 5 ຄົນຟັງການສອບຖາມແຕ່ລະຈຸດ ຖ້າຂາດຕົກບົກຜ່ອງແມ່ນສາມາດຖາມຕື່ມໄດ້.

 II.    ດຳເນີນການທັດສະນະສຶກສາ.

ເວລາຮອດສະຖານບ້ານແລ້ວລົງສອບຖາມນາຍບ້ານ, ໃຫ້ນາຍບ້ານອະທິບາຍກ່ຽວກັບຄອບຄົວທີ່ປູກຜັກສະລັດ ວ່າມີຈັກຄອບຄົວ? ທີ່ໄດ້ສ້າງເສດຖະກິດ ຫຼື ລາຍຮັບມາໃຫ້ປະຊາຊົນພາຍໃນບ້ານ,ຫຼັງຈາກນັ້ນໃຫ້ນາຍບ້ານ ນຳພາໄປຫາແຕ່ລະຄອບຄົວທີ່ປູກຜັກປອດສານພິດ 5 ຄົນທີ່ຖາມຈະຍ້າຍແບບຟ້ອມໃຫ້ແກ່ຄອບຄົວທີ່ປູກຜັກ ແລະ  5 ຄົນສອບຖາມເພີ່ມຕື່ມ 5 ຄົນທີບັນທຶກກໍ່ເລີ່ມບັນທຶກຕາມການວາງແຜນ.

III.    ການສະຫຼຸບ ແລະ ປະເມີນຜົນ

3.1.   ການສະຫຼຸບ

ພາຍຫຼັງໃນການສົນທະນາ ຫຼື ສອບຖາມໃນການທັດສະນະສຶກສາແມ່ນໄດ້ຮັບຜົນດີໃນການທັດສະນະຄັ້ງນີ້, ໄດ້ຂໍ້ມູນຕາມການວາງແຜນມາຂ້າງເທິງຢ່າງຄົບຖ້ວນ, ນອກຈາກນີ້ ແມ່ນໄດ້ບົດຮຽນເພີ່ມອີກຫຼາຍຢ່າງເຊັ່ນ: ວິທີການສອບຖາມ ແລະ ລົງສຳພັດຕົວຈິງແມ່ນຮູ້ວິທີການປູກຜັກສະລັດຢ່າງຖືກວິທີ, ການຈະເລີນເຕີບໂຕໄວ ເພື່ອນຳລາຍຮັບມາໃຫ້ແກ່ປະຊາຊົນພາຍໃນບ້ານ ແລະ ມີການປົກປັກຮັກສາບໍ່ໃຫ້ເກີດພະຍາດອີກດ້ວຍ.

3.2.   ການປະເມີນຜົນ

ແມ່ນໄດ້ມີການຕັ້ງກຸ່ມສົນທະນາ ເພື່ອມີການທອດຖອນບົດຮຽນທີ່ແຕ່ລະຄົນໄດ້ຮັບມາໃນການສອບຖາມ ແລະ ລົງປະຕິບັດຕົວຈິງ ເພື່ອເປັນການແລກປ່ຽນບົດຮຽນຮ່ວມກັນ ໄດ້ມີການອອກຄຳຄິດຄຳຄິດ ແລະ ໂອ້ລົມກັນວ່າໃນການທັດສະນະຄັ້ງນີ້ ແມ່ນມີບົດຮຽນອັນລ້ຳຄ່າ ແລະ ສາມາດນຳໄປໃຊ້ໃນຄົວເຮືອນຂອງພວກເຮົາທຸກຄົນ ເພື່ອໃຊ້ໃນຊີວິດປະຈຳວັນ ນອກຈາກນີ້ ແມ່ນໄດ້ຮັບຄວາມມ່ວນຊື່ນ ແລະ ຮູ້ສຶກເປັນມິດຕໍ່ ປະຊາຊົນພາຍໃນບ້ານ.

  ລາຍຊື່

ນາງ ອັດສະພອນ ກັດຕິຍະລາດ

ນາງ ສາຍພອນ ອ່ອນມະນີວົງ

ຫ້ອງ Bsc 4/4.5